Делегации од СДСМ и од ВМРО-ДПМНЕ пристигнаа во резиденцијата на евроамбасадорот Аиво Орав во Скопје, на средба со еврокомесарот за проширување на ЕУ, Јоханес Хан, во обид да се изнајде излез од длабоката политичка криза.
Делегацијата на СДСМ е предводена од лидерот Зоран Заев, а во неа се и Радмила Шекеринска и Петре Шилегов, а делегацијата на владејачката партија е составена од Никола Груевски, Мартин Протоѓер, Никола Попоски и Никола Тодоров, објави Плусинфо.
Можно е, како што информираат од мисијата на ЕУ во Скопје и од политичките партии, по разговорите со Груевски и Заев, Хан да присуствува на лидерската средба на која ќе бидат и претседателите на ДУИ и на ДПА.