Унгарската Демократска коалиција на зградата на Парламентот во Будимпешта денес истакна транспарент со фотографија на Груевски на која што пишува „ВИП мигрантот на Орбан“. Сликата од транспарентот тие ја споделија и на социјалните мрежи.
Унгарската опозиција денес реагираше на специјалниот третман кој Груевски го добива во Унгарија.
Пратеникот Арато Гергели од Демократската коалиција, меѓу другото праша дали е вистина дека Груевски е сместен во некој од имотите на премиерот Орбан. На ова Шаба Домотор од канцеларијата на премиерот Орбан одговори дека „Груевски легално престојува во Унгарија“.
