Премиерот Груевски, денеска во Собрание, убедуваше дека Владата размислува подологорчно отколку што родителите размислуваат за своите деца, а по повод предлогот на опозицијата да се укине екстерното тестирање во основното и средното образование.
– Родителите различно реагираа на овој проблем, некои не беа среќни што децата поминуваат низ таков степен на образование, а сепак имаше група на родители и се уште има кои одат на линија на помал отпор и би сакале нивното дете да е среќно на краток рок, рече Груевски.
Според премиерот, Владата се соочила со пад на стандардите, бидејќи проблемот со нереалните оценки датирал од времето на транзицијата
– Проблемот со давањето на високи и нереални оценки од страна на наставниците, не на сите, но на еден значаен дел, датира од времето на транзицијата, време во кое се загубија многу морални вредности и критериуми и паднаа стандардите.
Падот доведе да, од преку ноќ станати моќници, наставниците да потпаднат под притисоци и да пишуваат високи оценки, со цел да удоволат на тие што го бараат тоа и на некој начин да го оттргнат тоа од себе.
Подоцна и самите наставници со грижа на совест дека тоа го прават кон одредени, го сменија критериумот и дојдовме ситуација да цели класови имаат петки и сите до еден да знаат дека оценките не се реални, туку се сменети стандардите. Тоа секако не е добро ниту за нашата држава, ниту за децата и нивната иднина од повеќе аспекти, рече Груевски на денешната собраниската седница за пратенички прашања.