Лидерот на ВМРО-ДПМНЕ, Никола Груевски, кој по шест дена продолжување на конститутвната седница денеска конечно се појави во Собранието, на пратеничката клупа издржа да седи едвај еден час.
Тој како пратеник од неговата партија на собраниското столче седна на 31. декември кога беше почетокот на конститувната седница, а од минатиот понеделник пет дена беше на Малта, па затоа не можеше да присуствува на седниците.
На заминувањето на Груевски реагираше и Радмила Шекеринска која кажа дека Груевски во Собранието седел многу кратко и по паузата веднаш го снемало.