Премиерот Никола Груевски во интервју на Сител рече дека никогаш не ни предлагале екстерно тестирање за високото образование, туку државен испит.
Тој појаснуваше дека екстерно тестирање е за средното образование, а со државниот испит треба да има осигурување дека студентот научил најмалку за 6-ка.
„Овие што сега протестираат за нив нема да важи ова бидејќи државниот испит ќе се применува од 2017 година. Мислам дека политиката ќе ги вади студентите на улица, СДСМ беше силно фокусирана да излезат студентите и професорите на протест“, рече Груевски.
Премиерот се осврна и на најавената бомба од лидерот на СДСМ Зоран Заев.
„Заев одсекогаш се заканувал, ние работиме со друг тип бомби. Ние работиме на позитивни бомби, им помагаме на луѓето, реализираме. Тие водат негативна кампања и кодошат, а народот на крај ќе цени“, рече премиерот.