Владата е убедена дека нивната работа и посветеност ќе бидат валоризирани во следниот извештај на Европската комисија за напредокот на државата.
Груевски на средбата со Филе, овие очекувања ги темелеше на неколку, според него битни факти: ја посочи декриминализацијата на клеветата како чекор напред кон приближување на исполнувањето на критериумите на Европската унија.
Премиерот е убеден дека овие законски решенија ја прават Македонија, европска авангарда во законско-правните стандарди.
Груевски призна пред Филе дека односите во коалицијата се комплексни и дека коалициските пратнери се соочуваат со предизвици кои настојуваат да ги решат и да ги надминат.
На средбата, за прв пат досега биле споменати и добро соседските односи.
Според Груевски, македонската посветеност во односите кон соседите не треба да се базира и да се сведе на спорот со името, за кој не пропушти да потенцира, дека е наметнат и вештачки создаден спор од страна на Грција.