Поранешниот премиерот Никола Груевски попладнево се огласи со статус на својот фејсбук профил во кој вели дека е во Унгарија каде што побарал политички азил од тамошните власти.
„Во последните неколку денови примив безброј закани по мојот живот.
Јас сум во Будимпешта сега, и побарав политички азил од Унгарските власти.
Секогаш ќе останам верен на каузата на Македонија. Никогаш нема да отстапам“, напиша денеска поранешниот премиер Никола Груевски на својот Фејсбук профил.
Се уште нема потврда дали Груевски е навистина во Будимпешта или пак некој друг преку неговиот профил се обидува да ја попречи потрагата по експремиерот.
Од вчера попладнето Груевски се бара со национална потерница заради издржување двегодишна затворска казна за случајот „Тенк“.