Премиерот Никола Груевски задоволен од посетата на Народна Република Кина, по завршувањето на презентацијата на македонските можности во Хонг Конг кажа дека првите чекори кои ги направи Владата се одлични.
„Ги презентиравме предностите што Македонија ги има во однос на другите европски држави за водење бизнис, ниските трошоци, ниските даноци, конкурентните плати и се разбира тоа што сме на 22. позиција во светот и на 9. позиција во Европа според условите за правење бизнис.
Најголемиот број од бизнисмените што ги сретнавме тоа воопшто не го знаат и беше одлична можност да им се објасни и да им се кажат предностите и деталите поврзани со таа работа“, изјави Груевски по презентацијата на бизнис форумот.
Премиерот е задоволен од презентацијата бидејќи како што кажа бил пријавен голем интерес кинеските бизнисмени да ја посетат Македонија. Според него никогаш досега ниедна делегација, немала ваков успешен настап во Хонг Конг.
