Граѓаните одлучуваат кој ќе биде во Владата, а не претседателот на СДСМ Зоран Заев, порача денеска премиерот Никола Груевски, одговарајќи на новинарски прашања за последните барања од опозицијата, пренесува МИА.
Груевски посочи дека главното барање на Заев беше формирање преодна влада и оставка на Владата, но, порача, дека за тоа одлучуваат граѓаните.
– Неговото главно барање беше формирање на т.н. преодна влада, нешто во форма на широка коалиција и давање оставка на Владата, на мене, на министрите и т.н. За тоа кој ќе биде во Владата, а кој нема да биде одлучуваат граѓаните на Република Македонија на избори – изјави премиерот Груевски при посетата на Агенцијата за катастар на недвижности.