На синоќешната трибина на ВМРО-ДПМНЕ во Чешиново-Облешево премиерот Никола Груевски кажа дека СДСМ води лицемерна политика која граѓаните ќе ја казнат на следните избори.
Груевски пред присутните симпатизери на ВМРО-ДПМНЕ праша зошто СДСМ досега не ја интегрирале земјата во ЕУ и НАТО.
„Што чекаше Бранко Црвенковски и СДСМ во изминативе 15 години? Зошто не ја внесоа Македонија во ЕУ и во НАТО и не го решија проблемот со името? Тоа се лицемерни политики што граѓаните ќе ги казнат на следните избори“, рече Груевски.
На трибината на ВМРО-ДПМНЕ, тој рече дека Македонија останува на патот за влез во ЕУ и НАТО, но без да се наруши или уништи македонскиот идентите и јазик, за кое што, како што рече нашите претци војувале.
„Договорот пред да се потпише со јужниот сосед Грција мора најпрвин да помине на референдум“, рече Груевски.
