Премиерот Никола Груевски денеска на лидерот на СДСМ Зоран Заев му порача дека, како што рече, со конструкции и манипулации нема да ја оттргнат власта од зацртаните проекти и најави дека не само три, туку ќе се гради и четврти автопат.
– Пред некое време лидерот на опозицијата се обиде да направи конструкција и класична манипулација поврзана со изградбата на автопатите и нашите напори да издејствуваме пониски цени и најповолни услови за државата да ги прикаже како нешто друго, со цел да не компромитира, што е лага и долна конструкција, истакна премиерот и лидер на ВМРО – ДПМНЕ Никола Груевски денеска на Народниот собир во Штип.