Опозицијата обвини дека 4 месеци пред избори власта создава атмосфера за нефер избори . Како доказ потсетија на 250-те милиони земен кредит , носење на Изборниот законок без консензуз, најавите за март за зголемување на пензиите, уцените и заканите да не се гласа за кандидатите на опозицијата бидејќи централата нема да помагала во тие општини.
„ Ние ги дадовме документите со доказите за скандалот во Ресен. Како ќе докажете дека фер избори ќе направите, кога носите луѓе за да гласаат за ВМРО-ДПМНЕ, и им се издава стан наводно за без денар, само за да добијат живеалиште во Ресен. Во врска со скандалот со скопските 300 партиски вработувања. дали мислите дека Коце Трајановски треба да сугерира оставки за некои директори “, праша Гордан Георгиев
„СДСМ бара алиби за поразот на изборите.Ние стално ги зголемуваме пензиите и социјалната помош, тоа е во нашата програма, што има тука нефер и недемократски.Зошто вие не ги зголемувавте пензиите?Концентрирајте се да си ги решите вашите проблеми. Вака нема да просперирате.Еве го повикувам обвинителството да ги прегледа доказите за Ресен. Со вакви манипулации сакате да ја доведете во прашање перцепцијата за државата.Како не ви е срам пак да ја правите истата приказна како во 2011? Сменете нешто“, му порача Груевски на Георгиев.
„Како не ви е срам да побарате премиер и министрите да не се појават на избори. Да се затворам ли во соба?Дајте соземете се малку“, рече премиерот Груевски.