Во рацете на „Бехтел и Енка“ е тоа кој ќе биде подизведувач, кажа вицепремиерот Артан Груби на третото по ред означување на почетокот на изградбата на Коридорот 8, кое денеска со експлозија беше најавено на планината близу Дебреше, кај селото Горња Бањица.
Оваа негова изјава доаѓа откако вчера А1он објави дека „АК инвест“, „Еуровиа“ и „Стентон градба“ се фирмите подизведувачи за делницата Гостивар-Букојчани, која ќе биде градена прва.
„Целосната надлежност за подизведувачите е во рацете на компанијата „Бехтел и Енка“. Луѓето ќе бидат свесни за динамиката на работа на американско-турскиот конзорциум. Ова е новиот пат кој ќе води до Кичево“, рече Груби, кој посака успешна работа на американско-турскиот конзорциум.
Амбасадорката на САД, Анџела Агелер пак, изјави дека овој пат ќе биде од голема корист за граѓаните.