Груби: Трошокот за 20-годишнината од Охридскиот рамовен договор нема да биде поголем од придобивката

Од:

Првиот вицепремиер во Владата, Артан Груби денеска изјави дека тендерот за организација на настаните поврзани со одбележувањето на 20-годишнината од Охридскиот рамовен договор бил транспарентен и дека на крајот ќе се види колку тие навистина ќе чинат, потенцирајќи дека трошокот „нема да биде поголем од придобивката што ја имаме од Охридскиот рамковен договор“.

За прославата на годишнината од потпишувањето на Охридскиот рамковен договор беше распишан меѓународен тендер во вредност од 30 милиони денари.

-Во однос на тендереската постапка, се беше транспаретно, меѓународен тендер и се заврши со позитивно мислење на Бирото за јавни набавки. Цената е таа, но не мора да значи дека тоа ќе го исплатиме на крај затоа што се работи за настани што ги организираме веќе еден месец, а ќе продолжат и по 13 август. Не се работи само за 13 август, туку за повеќе и ќе видиме на крај кои се трошоците, но секако овој трошок нема да биде поголем од придобивката што ја имаме од Охридскиот рамковен договор, а тоа траен мир, инклузивно општество, земја во НАТО и со европска перспектива. Во тоа голем удел има и Охридскиот рамковен договор, рече Груби во интервју на Канал 5 ТВ.

Првиот вицепремиер соопшти дека на централното одбележување на дваесетгодишнината од потпишувањето на Охридскиот рамковен договор, на 13 август со почеток во 10:00 часот во х. Александар Палас ќе се одржи конференција со три панели.

-Првата е лидерска на која ќе се обратат претседателот Пендаровски, премиерот Заев, претседателот на Собранието Џафери, поранешниот претседател Црвенковски, поранешниот премиер Хари Костов, претседателот на ДУИ Ахмети, јас, додека на другиот панел ќе се обратат и Лорд Робертсон, Хавиер Солана, американската амбасадорка Брнз…, рече Груби.

Првиот вицепремиер денеска во Државниот архив достави оригинален примерок од Охридскиот рамковен договор, посочувајќи дека ниту една институција досега не поседувала ваков документ иако тој има седуммина потписници.

-Седум потписници има Охридскиот рамковен договор, пет лидери од нашата земја, и двајца странци Пердју и Леотар и ниту еден од нив немаше зачувано оригинална копија на Охридскиот рамковен договор. За среќа нашето неколкумесечно истражување беше успешно и идентификувајќи ги луѓето кои учествуваа, не само протагонисти од потпишување на договорот, туку и помошниците од страна успеавме да најдеме една од тие седум официјални веризии на Охридскиот рамковен договор што денеска ја поднесовме во државниот Архив, рече Груби.

Би можело да ве интересира

ВМРО-ДПМНЕ: Груби и Владата ја фрлаат државата во вештачка криза со издигнување на спорот со Бугарија на ниво на безбедносно прашање

А1он

Груби – Гир: Спорот со Бугарија треба што поскоро да се реши, време е за старт на преговорите

Груби: Нема сомнеж во парламентарното мнозинство, сите коалициски партнери се против оставката на Заев

А1он

Министрите немаат вина, смета Груби за тетовската трагедија и додава дека не треба да се прифатат оставките

Ландов

Груби-Мејер: Изборите ќе се одржат во демократски и европски дух

А1он

ВМРО-ДПМНЕ: Прославата за 20 години од Охридскиот рамковен договор се претвори во партиска забава

А1он