(ВИДЕО) Груби: Со ништо не условуваме, од прв до последен ќе гласаме за Законот за ЈО

Од:

„Ставот на ДУИ е дека даваме недвосмислена поддршка на Законот за Јавното обвинителство, за одбрана, за АВМУ, за сите договорени закони. ДУИ очекува ова Собрание да ги усвои овие закони и Парламентот да се распушти најдоцна до недела, 16 февруари. Ако треба ќе работиме дено-ноќно да се завршат овие постапки и да одиме на избори“, рече пратеникот Артан Груби.

Тој кажа дека ДУИ нема никаков проблем со СДСМ и дека ДУИ ќе остане доследен на договореното.

„Немаме никаков проблем со СДСМ. Ние бевме клучниот партнер на оваа влада и најважните одлуки за државата ги поддржавме, така и ќе остане. Настапот вчера беше таков, поради некоординираност. Стојам зад кажано, ДУИ недвосмислено го поддржува законот за Јавното обвинителство. Ќе гласаат сите пратеници почнувајќи од Али Ахмети. Нека закажат седница за пола час, ќе дојде и тој и сите од прв до последен ќе гласаме за законите за ЈО. Со ништо не го условуваме СДСМ, нема такво нешто. Нека завршат овие седници, нека се распушти Собранието, но и да се разгледа предлогот на Владата за разрешување на Рашела Мизрахи. Ние стоиме и целосно поддржуваме Преспанскиот договор, а со тоа и разрешувањето на Мизрахи. Тука немаме сомнеж. ДУИ ќе остане доследен на договореното во насока на европската перспектива. Тоа го ветивме и ќе го исполниме“, додаде Груби.

Би можело да ве интересира

Законот за ЈО за едни чекор напред кон правна држава, за други амнестија за криминалот

Ана Ололовска

(ВИДЕО) Спасовски – Фон Дер Лајен: Честитки за донесувањето на Законот за ЈО

А1он

Ахмети: Владеењето на правото, ветингот и економијата во фокусот на следниот мандат на ДУИ

А1он

Џафери: Законот за јавно обвинителство е донесен во соодветна процедура

Ана Ололовска

Брисел ги поздрави одлуките на македонскиот Парламент, сега на ред е ЕУ

Драган Поповски

Рот: Добра вест од нашите пријатели во Северна Македонија

Драган Поповски