Груби го осуди убиството на полицаецот: Меџити, Касами и Гаши откажаа прес-конференција поради ситуацијата на Косово

Од:

По министерот за надворешни работи Бујар Османи, и првиот вицепремиер Артан Груби го осуди убиството на припадник на полицијата на северот од Косово и изрази сочувство до семејството на загинатиот и апел за брзо пронаоѓање на сторителите и стабилизирање на ситуацијата.

Груби оцени дека нападот и убиството на косовскиот полицаец е „обид за поттикнување криза и конфликт со последици врз мирот, стабилноста и безбедноста на нашиот регион“.

„Планираните дестабилизирачки случувања во северно Косово кон полицијата, државата и регионот се неприфатливи. Најостро го осудувам нападот врз косовските полициски сили во кој беше убиен полицаецот Африм Буњаку, а беа ранети и други во северно Косово. Апелирам на внимателност и зрелост, итно апсење на убијците, стабилизација на ситуацијата, одлучност за враќање на редот и законот и блиска координација со меѓународната заедница. Изразувам искрено сочувство до семејството Буњаку и на ранетите им посакувам брзо закрепнување, соопшти Груби.

Поради инцидентот во Косово најавената прес-конференција закажана за денеска попладне ја откажаа тројцата лидери на албанската опозиција Изет Меџити, Биљал Касами и Африм Гаши.

„Почитувани медиуми, поради настанатата ситуација на Северот на Косово, ја одложуваме денешната прес-конференција која планиравме да ја одржиме во 14 часот. Искрено ви се извинуваме, додека навреме ќе ве информираме за времето и датумот на следната прес-конференција“, напишаа тие.

Еден припадник на полицијата во Косово е убиен, а уште еден е ранет рано утрово во напад на засега непознати и маскирани лица во селото Бањско во Лепосавиќ, во северно Косово.

Би можело да ве интересира

Најмалку едно лице е застрелано, а се 16 повредени во пукотница во Австралија

ВРЕДИ: “Скенерот“ што го бара Али Ахмети се вика Артан нон грата Груби

Катерина Ѓуровски

Експлозии и пукање во Минхен, пронајдени се неколку жртви

Горан Наумовски

Пукал со пиштол во нозе на лице во Велешта, а на полицаец го удрил со автомобилот

Предраг Петровиќ

(ВИДЕО) Тројца полицајци се убиени, а двајца се ранети во Пенсилванија

Пукање во Лондон, убиен е маж, тешко ранета е жена