Кандидатот за пратеник од Охрид, Сашо Робески, вчера одржа конференција за печат на која изложи два проблеми што претставуваат бариера во процесот на европското интегрирање на нашата земја. Прво, тоа е нерешеното прашање со корупцијата, а како втор проблем ги постави недоволното внимание посветено на екологијата и на заштитата на животната средина.
– ГРОМ е политичка партија која досега покажа и докажа дека може и знае да води чиста кампања, без споредување со останатите политички партии и без непотребно нивно именување. Имаме идеи и решенија за голем дел од бариерите кои ја спречуваат нашата земја континуирано и здраво да се развива. Ние ќе знаеме да ги претвориме во практика доколку ја добиеме довербата на граѓаните во недела! -истакна Робески.
Носителот на листата на кандидати за пратеници во изборната единица 5, Љупчо Настоски, и дел од останатите кандидати за пратеници од Охрид, во текот на вчерашниот ден остварија блиски и непосредни посети на семејства низ Охрид и Дебарца.