Вистинска драма се случувала изминатиов викенд на пат од Грција кон Скопје во автобус сопственост на туристичката агенција ПЕТ, полн со патници. На речиси половина пат до Скопје се случилa неочекувана ситуација – возачот заспал, удрил во банкината покрај патот, го оштетил возилото и за среќа избегнал поголема несреќа.
Вака на кратко звучи приказната на поголема група граѓани кои на враќање од својот десетдневен одмор на островот Крф доживеале вистинска драма и речиси за конец избегнале поголема несреќна.
Според сведочењето на патници, за многу малку била избегната вистинска катастрофа.
Патниците револтирано коментираат за непрофесионалниот однос од страна на агенцијата. Веднаш по сообраќајката тие биле оставени неколку часови да чекаат на температура над 40 степени. Од кога било констатирано дека автобусот може да го продолжи патувањето и покрај тоа што на него биле видливи сериозни механички оштетувања. Патниците повторно биле вратени во автобус и патувањето продолжило до Скопје.
Ова за жал е уште еден пример за непрофесионален однос од страна на туристичките агенции.