Грчкото МНР со писмено соопштение ја поздрави одлуката на македонската влада за преименување на автопатот и аеродромот. Тие истакнаа дека се надеваат оти ова значи отворање на ново поглавје во односите меѓу двете земји.
Во соопштението се истакнува дека денешната одлука е позитивен чекор за пресврт на она што беше направено во изминатата деценија и ги отежна односите меѓу двете земји. Овој чекор на македонската влада се оценува како важен развој во насока на справување со иредентизмот.