Граѓанските организации до Хан: Да се формира нов судски совет и независно судско одделение

Од:

Граѓанските организации на средбата со еврокомесарот за проширување и за добрососедска политика, Јоханес Хан, ги изложиле своите ставови во однос на тоа како треба да се реши политичката криза, објави Мета.

Претставниците на невладиниот сектор соопштија дека е неопходно да се формира независно судско одделение што ќе работи на процесирање на случаите на Специјалното јавно обвинителство (СЈО), но за тоа да биде изводливо, тие сметаат дека е потребно целосно да се распушти Судскиот совет и повторно да се реизбере за да се обезбеди непристрасност.

На средбата, исто така, била побарана подиректна комуникација на ЕУ, односно избегнување на еуфемизмите и директно лоцирање на одговорноста.

Граѓанските организации побарале во текот на следните преговори, доколку ги има во иднина, да бидат вклучени и тие, но не директно, како што тоа беше пренесувано во одредени медиуми, туку во процесот на надгледување, договарање и на евалуирање.

Еврокомесарот Хан на средбата ги повторил вчерашните препораки дека изборите во декември, за кои, како што рече, се исполнети условите за одржување, се добар чекор, но и дека се само почеток на процесот на решавање на кризата.

Хан порача дека е неопходно да се спроведат и реформските приоритети за да може земјата да се врати на европскиот колосек.

Еврокомесарот им се заблагодари на претставниците на граѓанските организации за нивниот придонес.

„Прв состанок во Скопје посветен на важната размена на информации со претставниците на граѓанското општество. Им заблагодарив на граѓанските организации за нивната посветеност и за важниот придонес. Ги уверив во важноста што им ја даваме на реформските приоритети“, твитна Хан.

Би можело да ве интересира

Орбан: Европа мора да оди во Москва за безбедносен договор со Русија

Аргентинската опозициска партија победи на изборите во Буенос Аирес

Борел, Верхофштат и Руиз Девеса: Европа станува вазал на Америка

На 16 септември и 2 октомври Албанија ќе ги отвори двете последни преговарачки поглавја со ЕУ

А1он

Кошта: Разумно е да и гарантираме на Северна Македонија дека нема да бараме ништо друго по уставните измени

Песков: Земјите од ЕУ не разбираат што се случува во светот