Вечерва со почеток во 19 часот во конгресната сала на хотелот „Сириус“ ќе се одржи промоција на БЕЛА КНИГА (2005 – 2013) на градоначалникот на општина Струмица Зоран Заев. Белата книга претставува збирен рекапитулар на досега сработеното во изминатите осум години колку што и оваа општина ја води актуелниот градоначалник Зоран Заев кој истовремено е и кандидат за трет мандат во општина Струмица.
Со слики и зборови на увид ќе бидат 2360-те проекти реализирани во градот и населените места. Станува збор за проекти од сите сфери на живеење кои ја направија Струмица најдобро и најпосакувано место за живеење.
Гасификацијата, реконструираниот градски пазар, плоштадот на две нивоа, ободниот канал, новите улици и тротоари, водоводи и канализации, се само дел од 1800-те проекти како капитални инвестиции во инфраструктурата, во чии благодети со години уживаат струмичани.