Градоначалникот на општина Гази Баба Тони Трајковски беше во работна посета на градот Водњан – Дигнано во Хрватска, каде имал средба со градоначалникот Клаудио Витасовиќ.
Општинската прес-служба денеска соопшти дека на средбата, Трајковски инфорнирал за профилот на општината и нејзиното функционирање, за тековните и идните проекти. Неговиот колега Витасовиќ му ја претставил работата на градската управа, проектите кои ги спроведува, посебно развојот на стопанството и можностите за вложување на подрачјето на Водњан.
Двајцата градоначалници разговарале и за можностите за натамошна соработка во стопанството, туризмот, земјоделството, културата и реализирање на ЕУ проекти.