Градоначалникот на општина Гази Баба Тони Трајковски се сретна со претставници од културно уметничките друштва, кои учествуваат на осмиот меѓународен фолклорен фестивал „Гази Баба 2017″.
На фестивалот, како што информираат од општина Гази Баба, учествуваат играорци од КУД „Ера” од Република Србија, КУД „Цепелиа” од Република Полска, Куд „Разиграна Македонка” од Австралија, КУД „Атакој” од Турција, КУД „Дорулетул” од Романија, КУД „Седенка” и Ансамблот за народни песни и игри од Република Македонија „Јонче Христовски”.
На средбата со градоначалникот, како што информираат, разговарале за регионите од кои потекнуваат, специфичностите по кои се одликуваат како и за нивната култура и традиција.
Присутните искажале благодарност за приемот, задоволство од посетата на Градот Скопје и изразиле надеж дека ќе продолжат да ја одржуваат пријателската атмосфера.