Градоначалникот на Центар подели 150 пакети на граѓани од семејства со висок социјален ризик

Од:

Градоначалникот на општина Центар, Горан Герасимовски, заедно со директорот на Меѓуопштинскиот центар за социјална работа, Лиридон Бафтији, и претставници од невладината „Банка за храна Македонија“ во дворот на Општина Центар поделија социјални пакети.

dobivaj vesti na viber

Пакетите со основни прехранбени и хигиенски производи ги добиваат 150 жители од семејства со висок социјален ризик, врз основа на претходно доставен список од Министерството за труд и социјална политика.

„Хуманоста и добрите дела не признаваат вери, етнички припадности и граници. Секој месец заедно со нашите партнери од Банка за храна Македонија, во континуитет го спроведуваме проектот ‘Нула глад’. Се грижиме за сите и секој еден жител во општината ни е подеднакво важен. Затоа, со овие пакети на нашите сограѓани им помагаме полесно да го поминат месецот“, изјави градоначалникот Герасимовски.

Во текот на викендот градоначалникот Герасимовски и директорот Бафтији им поделија социјални пакети и на седумте згрижувачки семејства во општината кои згрижуваат 25 деца.

Денешната акција се спроведува во рамките на проектот „Нула глад“ кој општината го реализира во соработка со невладината организација „Банка за храна“. Проектот има за цел помош и поддршка на социјално загрозените семејства, а преку него општината дава свој придонес во справувањето со сиромаштијата и гладот.

Би можело да ве интересира

Герасимовски: Соработката со граѓанските организации и социјалните претпријатија отвори нови работини места во Центар

Герасимовски: 34 златни и сребрени медали за учениците од ООУ „Јохан Хајнрих Песталоци“

Герасимовски: Ранчиња и училиштен прибор за сите првачиња во Центар

Герасимовски: Сопственици на објектите ја чистат „Треска“, крај на депонијата во срцето на Центар

Горан Наумовски

Герасимовски: Објектите и азбестот во „Треска“ ги чистат сопствениците, опасниот отпад ќе заврши на Дрисла

Горан Наумовски

Градоначалникот Герасимовски го потпиша зголемувањето на платите во Општина Центар