Градоначалникот Јаневски во посета на Турското маало

Од:

Градоначалникот Коста Јаневски со своите соработници денеска ги посети жителите на улицата „Братство“ во Турското маало во Струмица. Со нив разговараше за реализираните градежни зафати во изминатите месеци со кои се решија значајни проблеми, но и се дискутираше што треба следно да се работи за да се подобрат условите за живот во овој дел од градот.

Градоначалникот Јаневски истакна дека тука беа изведени неколку проекти кои имаа добар прием кај граѓаните.

– Се изведоа двата крака на улицата „Братство“ со еден солиден потпорен ѕид помеѓу нив во должини од 80, 30 и 90 метри. Тоа е солидна инвестиција која што ќе го подобри квалитетот на животот на овие луѓе, а има уште една улица која што ја бетониравме во должина од 225 метри во близина на Турските гробишта, рече градиначалникот Јаневски.

Додаде дека има повеќе барања од граѓаните во Турското маало, но и дека тој и Советот на Општината се отворени за соработка и се подготвени овие проблеми еден по еден да ги решаваат.

Задоволни од досега направеното, жителите на улицата „Братство“ на градоначалникот Јаневски му се заблагодарија и му подарија бројаница, која ќе го потсетува што е направено, но и што треба да се направи во овој дел од градот.

Би можело да ве интересира

Претрес во Струмичко, пронајдена марихуана

А1он

Во скопско Марино приведен бегалец од струмичкиот затвор

А1он

Две лица нападнале струмичанец и му одзеле пари

А1он

Боби Ѓошиќ назначен за в.д. директор на Центарот за култура во Струмица

А1он

Во фирма во Струмица пронајдени 330 килограми режан тутун без бандерола

А1он

Отворен Фестивалот на камерен театар „Ристо Шишков“

А1он