Градоначалниците и советниците можат да ги извршуваат надлежностите до мај

Од:

Градоначалниците и членовите на советите на општините можат да ги извршуваат своите надлежности до завршување на рокот определен со Изборниот законик, односно до крајот на првата половина на мај, стои во мислењето од Министерството за правда, кое заради настанатата ситуација произлезена од немањето услови за распишување на локалните избори во законскиот рок го побара Министерството за локална самоуправа.

– Согласно мислењето од Министерството за правда, постојните градоначалници и членовите на советите на општините можат да ги извршуваат своите со закон утврдени надлежности до завршување на рокот определен во членот 16 став (1) од Изборниот законик, односно до крајот на првата половина на мај, со цел да се обезбеди заштита на уставно загарантираното право на граѓаните на локална самоуправа преку обезбедување континуирано вршење на надлежностите од страна на органите на општината (градоначалникот и советот), се наведува во соопштението од Министерството за локална самоуправа.

Оттаму посочуваат дека Уставот на Република Македонија во членовите 114 и 115 го гарантира правото на граѓаните на локална самоуправа, како и правото на нивно непосредно и преку претставници (членовите на советите), учество во одлучувањето за прашања од локално значење.

Би можело да ве интересира

Потпишан Меморандум за соработка помеѓу Фондот на пензиското и инвалидското осигурување, Комората на извршители и Министерството за правда

Потпишан е Меморандум за брза и директна размена на податоци за должниците кои се корисници на пензија

Казна од 350 евра за навредлива порака до градоначалникот на Подгорица

А1он

Сакал да го рекетира градоначалникот на Неготино, па му пишувал смртни закани

Горан Наумовски

Градоначалникот на Делчево: Нема никаква злоупотреба на службена положба, постапив според закон

А1он

Градоначалник на Делчево незаконски вработил лице кое по закон требало да биде пензионер