Здружението за заштита, помош и унапредување на статусот на маргинализирани групи граѓани „Градиме иднина“ денеска и утре ќе продолжи со градежните работи на куќата на шестчленото семејство Давчевски од Велес.
Како што соопшти, ќе се досредува кровот со поставување на вториот дел летви, ќе се малтерисува и ќе се ставаат керамиди.
Во понеделник и вторник ќе се малтерисува машински целата куќа и ќе се поставува влезна врата.
За натамошните градежни работи Здружението дополнително ќе информира.
Доизградбата на куќата почна минатата недела со поставување електрична инсталација, одвод и довод на вода, а вчера беше поставен и кровот за 12 работни часа.