Град Скопје: Субвенции за граѓаните за набавка на велосипеди

Од:

Градот Скопје, со цел да ги стимулира жителите на Скопје да користат велосипеди, распиша јавен повик за надоместување на дел од трошоците на граѓаните на подрачјето на градот Скопје за купување велосипед.

Со овој јавен повик, Градот Скопје на граѓаните кои ќе купат велосипед од денот на објавувањето (11.03.2019 година) на Јавниот повик, заклучно со 30.06.2019 година, ќе им надомести дел од трошоците направени при купување велосипед.

Средствата што Градот Скопје ќе ги субвенционира се во износ од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе биде реализиран по принципот „прв дојден, прв услужен“. Едно лице може да поднесе само едно барање за добивање на субвенција за купување на еден велосипед.

Барателот треба да ги исполни следниве услови:

– да е жител на Град Скопје (во општините: Аеродром, Бутел, Гази Баба, Ѓорче Петров, Карпош, Кисела Вода, Сарај, Центар, Чаир и Шуто Оризари);

– подносителот на барањето досега да нема добиено финансиски средства за набавка на велосипед од Град Скопје;

– велосипедот да го купи од денот на објавување (11.03.2019 година) до денот на завршување на Јавниот повик (до 30.06.2019);

За надоместување на дел од трошоците и докажување дека условите за учество на Јавниот повик се исполнети, барателот до Град Скопје треба да достави:

– барање за субвенција за купување на еден велосипед (Барањето може да се подигне во архивата на Град Скопје или да се обезбеди од интернет страницата на Градот: www.skopje.gov.mk);

– доказ за жителство во Град Скопје, со доставување копија на важечка лична карта на барателот;

– фотокопија од трансакциска сметка на барателот;

– изјава дека барателот досега нема искористено субвенција за купување на велосипед од Град Скопје;

– доказ дека е извршено купување на велосипед, и тоа оригинал фискална сметка или фактура со извод од деловна банка, со датум од денот на објавувањето до денот на завршувањето на Јавниот повик;

Барањето за надоместок на дел од трошоците за купување на велосипед, заедно со потребната документација, граѓаните во затворен плик ги доставуваат до соодветната Комисија, преку Архивата на Град Скопје, бул. Илинден бр.82, секој работен ден од 09 до 15:00 часот.

Целиот јавен повик граѓаните можат да ги видат на следната интернет врска

Субвенционирањето на граѓаните за набавка на велосипеди е една од мерките на Градот Скопје за промоција на велосипедот како рекреативно и превозно средство, чие користење има многу придобивки: истото е финансиски достапно, економски исплатливо и еколошко превозно средство, придонесува за намалување на сообраќајниот метеж, како и за намалување на загаденоста на амбиентниот воздух.

Би можело да ве интересира

Скопје и Софија ја интензивираат соработката во одбраната

А1он

Делегација на Националната гарда на Вермонт во посета на Скопје

А1он

Исплатени субвенциите за продадено индустриско јаболко

А1он

Нов привремен сообраќаен режим на мостот Гоце Делчев

А1он

Целосно изгаснат пожарот во зградата „папагал“, повредени нема

Посебен сообраќаен режим утре во Скопје поради одбележување на Илинден

Ана Ололовска