Град Скопје: Дрвото кај судска палата се очекува да чини 5.000 денари

Од:

„Град Скопје ги демантира неточни наслови и информации пренесени од некои медиуми во врска со цената на дрвото Гинко што ќе биде поставено на местото каде беше т.н. споменик од Ќосето, пред Судската палата во Скопје.

Посаденото дрво ќе биде дел од вкупната набавка за разеленување на главниот град, а само тој садник се очекува да чини околку 5000 денари. Со планираната акција за разеленување на град Скопје, предвидени се буџетски средства за набавка на околу 10 000 дрвја од различен вид, коишто ќе бидат садници постари од 6 години и не пониски од 3 и пол метри, а истите ќе бидат и мапирани.

На денешна прес-конференција, градоначалникот Шилегов најави дека засаденото дрво ќе биде посветено на човековите права со изгравирана плочка донирана од збратимениот град Нирнберг на која ќе биде испишан текстот од членот 10 од Декларацијата за човекови права на Обединетите нации во кој стои „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“.

Како дополнителна информација, Гинко (науч. Ginkgo biloba) е листопадно дрво кое во својот животен век може да расте и до 40 метри со густо разгранета крошна во пирамидален облик што се одликува со голема отпорност на екстремни услови (отрови, загадувачи, радијација, инсекти итн.).

Toa е едно од најистражуваните дрва во светот со голем број научни трудови за него. Големиот интерес за гинкото произлегува оттаму што му се припишуваат голем број лековити својства“ се вели во соопштението на Град Скопје.

Би можело да ве интересира

Град Скопје продолжува со намалувањето на комуналната такса за закуп на јавен простор од 15 на пет денари по квадрат

Ана Ололовска

Град Скопје ќе објави јавен повик за субвенции за инвертер клими и чистење оџаци

Ана Ололовска

Советничка група на ВМРО-ДПМНЕ: План од скандалозни 175 нови партиски вработувања во изборна година се сламката за спас на Шилегов

Ана Ололовска

Шилегов: Од Градот нема согласност каква било тешка индустрија да се развие во рамки на Железара

Ана Ололовска

Советничка група на ВМРО-ДПМНЕ: Мрзливиот Шилегов може да сруши тоа што самиот го изградил, а бидејќи ништо не изградил, не може ништо и да сруши

Ана Ололовска

Шилегов за грчки Етнос: Добро е да постои соработка меѓу градовите

Ана Ололовска