Полициски службеници на СВР Тетово денеска го уапсија Б.Т.(48) од село Неготино, полошко, кој десетина минути пред да биде пријавен во МВР агресивно се однесувал во објект на општина Врапчиште, во кој бил сместен Секторот за урбанизам.
Според пријавеното, тој во една просторија ги заклучил вработените и го оштетил инвентарот и опремата во другите канцеларии на објектот. Набргу потоа, со судска наредба, извршен е претрес во неговиот дом, при што биле пронајдени три парчиња огнено оружје ( две ловечки пушки и пиштол) за кои поседувал соодветни дозволи.
Б.Т. е задржан во полициската станица во Гостивар и по целосно расчистување и документирање на случајот ќе биде изготвен соодветен поднесок.