Гори нискостеблеста и деградирана шума на потегот меѓу селата Церово и Групчин

Од:

Директорот на Центарот за управување со кризи, Мухамед Али, заедно со градоначалникот на општина Желино, Блерим Сејдиу, денес се на терен каде одблиску ја следат и координираат интервенцијата за гасење на пожарот кој зафати нискостеблеста и деградирана шума на потегот меѓу селата Церово и Групчин, во општина Желино.

Благодарение на навремената координација од страна на Центарот за управување со кризи и брзата реакција на надлежните институции, во акцијата за гасење на пожарот се вклучија екипите на Територијалната противпожарна единица Тетово, авион од типот „Air Tractor“ на Дирекцијата за заштита и спасување, како и екипи на Министерството за внатрешни работи со едно специјализирано возило – воден топ.

Со заеднички и добро координирани напори на сите ангажирани служби, пожарот е успешно ставен под контрола.

Потсетуваме дека ризикот од појава и ширење на пожари во летниот период останува висок. Од особена важност е подигнување на свеста кај граѓаните за одговорно однесување во природа, со цел навремена превенција и заштита на животната средина и безбедноста на населението.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место