Гори голема површина во селата Облавце, Бељаковце, Стрезовце и Руѓинце, пожарот се шири кон Сув Ора

Од:

Активни се пожарите во кумановските и селата од Старо Нагоричане, информираа денеска од противпожарните единици. Пожар зафати поголема површина во кумановските села Облавце, Бељаковце, Стрезовце, Руѓинце, а се прошири и кон Сув Ора.

-Пожарот веќе два дена е активен и зафати поголема површина. На еден дел интервенираат пожарникари од Куманово, тука се и триесетина војници од армијата. Кај Сув Ора се пожарникарите од Старо Нагоричане, изјави командирот на ТППЕ Куманово, Дејан Илиевски.

Во текот на ноќта, како што претходно пренесе информации РЦУК Куманово, евакуирани биле жители од десетина куќи од кумановските села Облавце, Бељаковце и Стрезовце поради опасност од пожари.

– Од СВР Куманово, во текот на ноќта во 21:42 часот известија дека во селата Облавце, Бељаковце и Стрезовце, општина Куманово има опасност од пожар за десетина куќи, полициски службеници заедно со пожарникарите почнаа да ги евакуираат луѓето од куќите, соопшти РЦУК Куманово.

Активен е и пожарот кај Руѓинце.

Во текот на ноќта пожар имало и во Бедиње во близина на бензинска пумпа, на „Никола Tесла“, во селата Тромеѓа Tабановце. Таму горела сува трева, a во Доброшане опожарена била бандера, веднаш биле известена ЕВН.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место