Кандидатот за градоначалник на општина Тетово од редовите на ВМРО ДПМНЕ Горан Манојлоски, на денешниот почеток од предизборната кампања за претстојните локални избори одржа прес-конференција пред партиските простории во Тетово. Тој посочи дека овојпат тоа ќе биде уште една нова победа за ВМРО-ДПМНЕ и коалицијата „За подобра Македонија“.
– Во нашата програма предвидуваме многу инфраструктурно проекти, изградба на улици и тротоари, решавање на долгогодишниот проблем со сметот во градот. Во нашата програма се предвидува и обнова на градинките како и изградба на нови градинки и детски забавни паркови на повеќе локации низ градот рече Манојлоски.
Тој ги повика граѓаните да гласаат за поубаво, подобро и европско Тетово и да ја поддржат листата на советници предводена од ВМРО-ДПМНЕ и неговата кандидатура за градоначалник.