Здружението на винари на Македонија организира натпревар за Најдобри вина произведени во домашни услови. Денеска беше спроведена дегустацијата и оценувањето на пристигнатите мостри, а утре ќе се доделуваат наградите.
– Годинава имаме рекорден број на седумдесет пристигнати мостри на бели и црвени вина. Дегустацијата и оценувањето ги вршеше екипа од стручни лица енолози. Општ е впечатокот дека од година во година се подобрува и квалитетот на вината произведени од индивидуални производители, рече Елена Богева, заменик претседател на Здружението.