Голема престрелка во Арачиново, повеќе луѓе се ранети и уапсени

Од:

Тежок инцидент со огнено оружје се случил вчеравечер во скопско Арачиново, а во престрелката се ранети повеќе лица, соопшти полицијата, од каде додаваат и дека тројца осомничени се приведени во врска со случајот.

„На 16.06.2021 во СВР Скопје од полициски службеници во полициска станица биле приведени М.А, М.С.(35) од с.Страчинци и Н.Џ.(27) од с.Арачиново, постапувајќи по пријава според која околу 02.00 часот, по претходна расправија, во с.Арачиново, скопско, М.А.(31) од с.Страчинци, скопско, испукал од огнено оружје и го повредил Б.А.(36) од с.Арачиново, скопско, поради долг што го имал Б.А. кон него“, се вели во соопштението од МВР.

Полицијата информира и дека еден од ранетите во престрелката дошол во скопската Градска болница, каде лажел дека е повреден во сообраќајна несреќа, пред да замине без да го прегледаат лекарите.

„Подоцна, во Комплексот клиники „Мајка Тереза“ со повреди од огнено оружје се пријавил М.А., додека во Градската општа болница „Св.Наум Охридски“ со повреди од огнено оружје бил донесен Б.А.. Во истата болница со повреди од огнено оружје бил донесен и Ф.Н., кој пред полициските службеници изјавил дека се повредил во сообраќајна незгода, по што заминал без да му биде утврден карактерот на повредите. Во врска со случајот, од местото биле подигнати чаури од пиштол и две патнички возила“, велат од МВР, додавајќи дека се преземаат мерки за комплетно расчистување на случајот, по што ќе бидат поднесени соодветни поднесоци.

Би можело да ве интересира

МВР: Се истепале вработени во здравствена установа во Скопје

Пукотница во Приштина: Убиен е маж, жена е тешко ранета

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ