Голем пожар во националниот парк „Преспа“ кај Пустец

Од:

Веќе трет ден има голем пожар во националниот парк „Преспа“, кај Пустец, Мала Преспа, јави дописничката на МИА од Тирана.

Пожарот избувнал во близина на албанско-грчката граница, а во неговото гаснење најпрво била вклучена територијалната противпожарна едница од Пустец, а денеска уште други пет возила и повеќе пожарникари.

Според вработените, интервенцијата е тешка, бидејќи пожарот се наоѓа на врвот на планината „Остоја“, местото наречено Пирамида 10 на границата со Грција. Гори високо стеблеста шума.

– Поради опасноста за проширување на пожарот и на грчка страна, попладнево во гаснењето е вклучена грчката општина Преспа со два помали авиони. Во телефонскиот разговор со генералниот директор на Центарот за управување со кризи, Хаки Чако, во каснењето на пожарот ќе се вклучи и армијата, како и пожарникари од други општини од регионот Корча, наведуваат албанските медиуми.

Чако информирал дека засега нема опасност по населените места.

Нема информации дали постои опасност за проширување на пожарот и на македонска територија.

Попладнево, според медиумите, реактивиран е пожарот во селото Сух, општина Либохо кај Ѓирокастро, кој претставува опасност за блиските куќи.

Би можело да ве интересира

(ВИДЕО) Пожар во Лондон, 11 лица завршија во болница

Горан Наумовски

Најмалку 43 лица загинаа во пожар што избувна во зграда во Бангладеш

(ВИДЕО) Големиот пожар во Тексас ја зема првата жртва

Големи пожари во Тексас, пожарот зафати 500.000 хектари земја

Во близина на Романовце опожарени се три бараки

Запалени возило, трактор и гаража во Кавадарци

Горан Наумовски