Попладнево пламна голем пожар на скопската депонија „Дрисла“ во близина на селото Батинци.
Од скопската Противпожарна единица известија дека нивни екипи веќе делуваат на терен, а присутни се и припадници на полицијата.
Директорот на ДСЗ, Стојанче Ангелов, изјави дека пожарот не е алармантен.
„БППЗ Скопје работи на негово гаснење. Гаснењето на било која депонија е сложен процес поради хемиските и биолошките процеси кои се одвиваат во внатрешноста на депонијата како резултат на кои се создаваат запаливи гасови“, рече Ангелов.
