Т.Т. (71) од Валандово утринава во 3:10 часот во Полициската станица од општа надлежност Куманово пријавил дека во 2:20 часот непознати сторители извршиле кражба од неговиот автомобил на бензинска пумпа лоцирана на автопатот Табановце – Куманово.
Како што информира МВР, откако Т.Т. наполнил гориво се паркирал на паркингот од бензинската пумпа и застанал до совозачката врата од неговото патничко моторно возило „Мерцедес“ со германски регистарски ознаки. Во еден момент до него дошло непознато лице и започнало разговор со него. Притоа, друго непознато лице го искористило неговото невнимание, ја отворило возачката врата и од просторот пред совозачкото седиште одзел црна женска чанта во која имало 7.000 евра, 7.000 денари 15.500 српски динари, две македонски патни исправи, две книшки од банка, два мобилни телефони, златен накит и други предмети.
СВР Куманово презема мерки за пронаоѓање на сторителите и за целосно расчистување на сучајот.