Културата е срцето на Скопје! Денес остварив значајна средба со културните работници, професори од Драмската и Музичката академија, претставници од Друштвото на ликовни уметници, Националниот џез оркестар, директорот на МНТ, докажани автори и творци, филмски работници, МКЦ и независната културна сцена, се вели во соопштението од Орце Ѓорѓиевски, кандидат на ВМРО-ДПМНЕ за градоначалник на Скопје.
„Заедно со мојот советник за култура, Лазе Трипков, разговаравме за иднината на културниот развој на Скопје, за поддршката на уметниците, зачувувањето на културното наследство, отворањето на нови простори за културна експресија, како и за соработката со младите таленти и независната сцена, но и со докажаните автори и институции. Скопје е град на слоеви – град на историја, уметност и визии. Со ваквите средби го градиме мостот помеѓу институциите и културните работници, создавајќи заеднички стратегии и проекти што ќе му дадат ново лице на културниот живот во нашиот град. Сите идеи и иницијативи што денес ги слушнавме ќе бидат интегрирани во новите културни политики на Град Скопје“, вели Ѓорѓиевски.