Кандидатот за градоначалник од ВМРО-ДПМНЕ за Куманово, Зоран Ѓорѓиевски на денешната прес конференција во Соколана презентираше сет мерки опфатени во програмата со која, Коалцијата „За подобра Македонија“ настапува на овие локални избори.
– Ревитализација на постојните паркови, градскиот, Соколанскиот и изградба на нов парк во локалитетот Проевце, со што кумановци ќе дишат многу почист воздух, изјави Ѓорѓиевски.
Во програмата, додаде опфатена е и ревитализација на Спомен Костурницата и на спомениците во „Менкова колиба“, „Студена вода“ и на останатите споменици низ градот Куманово.
Во Куманово, најави Ѓорѓиевски, ќе бидат изградени 50 детски мини игралишта и во урбаните и руралните средини.