„Татковината е во сигурни раце. Никола Груевски останува премиер на Македонија! Ѓорге Иванов останува претседател на Република Македонија“, објави вечерва Влатко Ѓорчев од ВМРО-ДПМНЕ на партиската пресконференција.
Тој нагласи дека ВМРО-ДПМНЕ секогаш ја почитува и ќе ја почитува волјата на граѓаните на Република Македонија, каква и да е.
„Стигна одговорот на граѓаните од сите општини, а тој одговор е недвосмислен – победа на коалицијата „За подобра Македонија“, рече Ѓорчев.
Тој нагласи дека ВМРО-ДПМНЕ успеа да ги освои и сите тројца пратеници во дијаспората. За изборните резултати, Ѓорчев му се заблагодари на македонскиот народ, но и на ромската заедница, на турската заедница, на српската заедница, на Бошњаците, на Власите, на албанската заедница кои живеат во Македонија.