(ВИДЕО) Ѓорчев: Дали Нина Ангеловска исплаќа 200 евра плати на рака

Од:

Дали е точно дека Нина Ангеловска во нејзината фирма исплаќа 200 евра плата за ИТ инженери и дека плаќа на рака, праша пратеникот Влатко Ѓорчев, кој побара одговори од Ангеловска која се уште не е избрана за министерка. Тој го критикуваше предлогот на Зоран Заев за министерката за финансии и порача дека таа ќе биде дел од најлошата влада во историјата на Македонија.

Премиерот Заев негираше дека Ангеловска го правела тоа во нејзината фирма, а спикерот Џафери го искара Ѓорчев дека не го почитува кодексот за пратеници и дека се уште не е избрана за министерка, па му порача да почека прашањата да ги постави на седница за пратенички прашања.

Единствената пратеничка од опозициската ВМРО- ДПМНЕ, која го поздрави предлогот за новата министерка беше Даниела Рангелова. Таа го пофали премиерот Заев што одлучил да предложи жена на местото министерка за финансии, а Ангеловска дека има добра биографија.

На седницата за избор на новите министри за реплика се пријавија речиси сите пратеници од ВМРО-ДПМНЕ и побараа оставка од Заев.

„Ми остави впечаток една реченица која и ја кажала нејзината мајка – „Нина треба да си ачик и да забележуваш се околу себе“. Се надевам дека сте ачик и дека забележавте дека економската состојба не е добра“, рече Рангелова.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Влада: Одлука за кадровското решение во ЦУК на наредната седница

Студентите и вработените на ФИНКИ на протест пред Владата

Зошто се одложува изборот на нов универзален снабдувач на струја за домаќинствата?

А1он