„Ги поминаа границите“ – директорот на СОЗР во Владата им забрани Фејсбук на вработените

Од:

Директорот на Службата за општи и заеднички работи (СОЗР) во Владата, Пеце Мирчески им забранил пристап до „Фејсбук“, „Инстаграм“ и другите социјални мрежи на вработените, оти како што вели, тие наместо да работат си пишувале статуси и се снимале за да објават на интернет. Тој смета дека со оваа забрана ќе ги дисциплинира вработените во СОЗР.

dobivaj vesti na viber

„Ги поминаа сите граници, никој ништо не работи. Јас како прв човек знам што се случува. Знам дека вработените постојано имаат отворено ‘Фејсбук’ пишуваат статуси додека се на работа. Знам точно што сум исклучил. Јас правам цело време проверки, ова не е првпат да има ваков проблем, тој постојано се провлекуваше. Се снимаат додека се на работа за да објават на социјалните мрежи. По 16:30 часот нека прават што сакаат, ама по работното време“, вели Мирчески за „А1он“.

Новината е воведена во средата. Мирчески пак тврди дека тие што не ги извршуваат работените обврски ќе бидат санкционирани согласно законот.

„Можеби пишувале и објавувале од приватните телефони, ама јас правам тоа што можам. Јас не знам зошто се жалат. Практично, тие самите признаваат дека ништо не работеле“, додава тој.

Службата со која раководи Мирчески извршува сметководствено-финансиски работи, набавки на опрема за Владата, тековно одржување и обезбедување на објектите, набавка на канцелариски материјали, тонери, тоалетна хартија, средства за хигиена и други работи и услуги од општ карактер.

Кристијан Ландов

Би можело да ве интересира

Владата ќе им даде субвенционирана струја и на компаниите кои имаат свои фотоволтаици

Орце Костов

Владата побара да му се одземе државјанството на Александр Онишченко

Катерина Павлова-Николовска

(ВИДЕО) Арсовска до Премиерот: Гледај си ги твоите проекти, кој ќе ти ги одземе тебе ингеренциите?!

Анита Петровска Рајковиќ

Андонов: Фирмите кои со манипулации влегле на регулираниот пазар, од јануари автоматски ќе бидат вратени на слободниот пазар

Ана Ололовска

Опозицијата блокира, Владата се задолжува: Ковачевски најави нови 400 милиони евра кредити

Орце Костов

Волстрит џурнал: Закерберг отпушта илјадници вработени од Мета платформс

Ана Ололовска