Двајцата кумановци кои вчера беа натепани во центарот на Куманово случајот го пријавиле во полиција после полноќ. Од МВР за А1он велат дека се преземаат мерки за расчистување на случајот, но нема информација за што настанала тепачката.
„На 20.11.2023 во 00:15 часот во СВР Куманово, Р.Н. (33) од Куманово пријавил дека на 19.11.2023 околу 19:30 часот на ул. Маршал Тито, тој и Н.М. биле физички нападнати од две лица“, велат од МВР.
Видеото од нападот почна да се шири на социјалните мрежи синоќа, а на него може да се види како две лица удираат боксови и ги влечат Р.Н. и Н.М. од автомобилот, а потоа сите си влегуваат во своите возила и си заминуваат.
