Гевгелиските таксисти и приватните автобуски превозници одлучија штрајкот, што до синоќа им беше ставен во мирување поради влошување на бегалската криза, да го одложат повторно овој пат на неодредено време.
– Свесни за состојбата што и ние ја следиме од непосредна близина како и за предизвикот пред кој се наоѓа земјата, одлучивме со неодреденото пролонгирање на штрајкот да дадеме свој придонес во справувањето на безбедноните сили со бегалската криза.Кога состојбата ќе биде вратена во нормала,ќе одлучиме што и како понатаму, рече Миле Ангелов, претседател на Здружението на такистите од Гевгелија.
До пред неколку дена,кога протестот беше ставен во мирување,таксистите и приватните автобуски превозници секој ден по два часа го блокираа граничниот премин „Богородица“, а извесен период ги блокираа и главните сообраќајници во градот,барајќи да бидат вклучени во превозот на мигрантите рамноправно со МЖ.