Гевгелија разгледува можност за ограничување на влезот од соседна Грција

Од:

Советот на Општина Гевгелија на денешната седница ќе расправа за воведување мерки за ограничување на влегување на граѓаните од соседна Грција кои масовно доаѓаат во Гевгелија заради добивање стоматолошки услуги и во посета на казината, во контекст на ситуацијата со коронавирусот.

На предлог на раководителот на подрачната единица за јавно здравје во Гевгелија, епидемиологот Саше Олумчев, одлуката треба да ја донесе Локалниот совет за превенција.

Според д-р Олумчев, во Општина Гевгелија се почитуваат сите препораки од Владата, Министерството за здравство и кризниот штаб. На ГП Богородица, каде фреквенцијата на сообраќајот е намалена најмалку за 30 отсто, редовно се врши контрола на сите патници кои доаѓаат од Грција и се анкетираат лицата кои пристигнуваат од ризичните земји. Редовно се дезинфицираат и работните кабини на полициските службеници.

-Досега имаме тестирано едно лице на коронавирус од Општина Гевгелија, кое имаше мешана симптоматска слика, а со цел да нема никаков ризик лицето беше тестирано. Тестот беше негативен. Не би требало да се предизвикува паника затоа што и нас овој вирус нема да не одмине, рече епидемиологот Олумчев.

На младите, пак, кои добија 14-дневен одмор, поради ситуацијата со коронавирусот, Олумчев им порача повеќето од времето да го минуваат дома или доколку излегуваат да избегнуваат групирања на места како што се кафулиња, ресторани и игротеки.

Би можело да ве интересира

Филипче: Мора да има строга контрола дали се почитуваат рестриктивните мерки

Ана Ололовска

Османи: Непочитувањето на мерките е резултат на лажните вести

Ана Ололовска

Масовни тестирања во поширокиот регион на грчкиот град Ксанти

Ана Ололовска

Филипче: Се очекува до крајот на неделава да имаме подобра слика за состојбата со Ковид-19

Ана Ололовска

Одделението на Пазарниот инспекторат во Куманово ќе биде затворено, еден инспектор е позитивен на Ковид-19

Ана Ололовска

Официјален Рим: Одлуката на Австрија е дискриминација на Италија

Ана Ололовска