Пратеникот во Германскиот Бундестаг и член во Комисијата за Европа Мануел Зарацин, денеска е во посета на Македонија каде со официјални претставници на Владата и политичките партии ќе разговара за актуелната политичка состојба.
Како што соопшти амбасадата на Германија во земјава, за актуелната политичка состојба Зарацин ќе разговара со премиерот за спроведување на предвремените избори Емил Димитриев, вицепремиерот за европски прашања Фатмир Бесими, министерот за надворешни работи Никола Попоски, претседателот на СДСМ Зоран Заев, како и со претставници од други политички партии во земјата.
Зарацин ќе разговара, исто така, и со претставници од ОБСЕ и делегацијата на ЕУ во Скопје.
Пратеникот во германскиот Бундестаг Мануел Зарацин е член на партијата Сојуз 90/Зелени.
