Државниот министер, надлежен за Европа, во Министерството за надворешни работи на Германија, Михаел Рот на 1 и 2 февруари ќе ја посети Македонија, соопшти Германската амбасада во Скопје.
– Тој ќе се информира за внатрешнополитичката состојба, како и за бегалската проблематика. Предвидени се разговори со претставници на Владата и опозицијата, граѓанското општество и невладини организации, кои се активни во областа на човековите права, поддршката за бегалците, Ромската популација и ЛГБТИ-заедницата во Македонија, стои во соопштението.
Предвидено државниот министер Рот да учествува и на јавна дебата со студенти од Универзитетот „Св. Кирил и Методиј“ Скопје.