Германски пратеници: Штетна е злоупотребата на популизмот и националните теми во Македонија

Од:

Претседателот на СДСМ, Бранко Црвенковски имаше одвоени и заеднички работни средби со   пратеници на СПД во Бундестагот,  Гернот Ерлер, Јосип Јуратовиќ, Дитмар Нитан и Ута Цаф.

Овие долгогодишни и истакнати пратеници во Бундестагот се добро упатени за состојбите во нашиот регион, докажани пријатели на Република Македонија и активни креатори на меѓународната политика на Германскиот Парламент.

На средбите, соопштуваат од СДСМ,  акцент бил ставен на последниот Извештај на Европската Комисија во пресрет на исчекувањето на одлуката на Европскиот Самит во врска со датум за отпочнување на преговорите на Република Македонија со Европската Унија.

Било  разговарано за најголемите проблеми со кои земјата се соочува, како нискиот економски стандард, најниското ниво на странски инвестиции, постојаното зголемување на јавниот долг и загрозувањето на слободата на медиумите и изразувањето како базичен критериум врз основа на кој се цени демократскиот развој на секое општество.

„Дополнителна загриженост создава фактот што дуплирањето на јавниот долг на Република Македонија, не е резултат на инвестирање во капитални инфраструктурни објекти, кои би овозможиле во иднина стабилен економски развој, туку на непродуктивни трошоци како спомениците.На средбите беше ставен акцент и на начинот на кој Европската Унија се поставува кон процесот на проширувањето. Беше изразена загриженост за недоволната инволвираност, која најмногу се должи на економската криза, но и на фактот што некои од десничарските Влади во Европа се повеќе го промовираат и го подржуваат евроскептицизмот. За жал, токму овој евроскептицизам е злоупотребен од некои Влади во нашиот регион, со своите политики и постапки да создаваат разни изговори кои се користат како причина за блокирање на процесот на проширувањето“, стои во соопштението.

„Германските пратеници како погрешни и неповолни ги оценија тенденциите на се понагласена злоупотреба на популизмот, националните теми и реторика во политичкиот амбиент на Република Македонија, за сметка на вистинската желба за решавање на сопствените општествени проблеми како демократијата, слободата на медиумите, јавното изразување и економскиот развој што се основни европски вредности.Во разговорите, пратениците ја реафирмираа подготвеноста на СПД во Бундестагот да се посветат на проблемите на Република Македонија во насока на подршка на земјата и СДСМ“, се вели во соопштението на Центарот за комуникации на СДСМ.

Би можело да ве интересира

(ВИДЕО) Николовски: Нема рестрикции има извоз на струја, Мицкоски може да учи

Ана Ололовска

Германскиот канцелар Шолц на четиридневна турнеја низ Јужна Америка

Ана Ололовска

СДСМ: Милитаристичките изјави на Мицкоски покажуваат дека е заложник на Апасиев

Ана Ололовска

СДСМ: Ковачевски успешно се справи во енергетската криза, извезуваме струја во јануари

Ана Ололовска

Двајца Срби запознале маж преку страница за запознавање, па го убиле

Писториус: 100 милијарди евра не се доволни за покривање на потребите на германската војска

Горан Наумовски