На неодамнешната средба на делегацијата од општина Крива Паланка на општината Грос Цимерн од Германија, од стрна на градоначалникот на германската општина, господинот Ахим Грим, беше испратена финансика донација за градинката Детелинка од Крива Паланка.
Општинската јавна установа детска градинка „Детелинка“ со симболичните финансиски средства добиени како донација од градоначалникот на општина Грос Цимерн, изврши набавка на неколку детски реквизити за потребите на најмладите жители на Крива Паланка.
Спортските реквизити за дечињата од градинката „Детелинка“ се сместени во салата за спортски активности чие мото е „Играме,вежбаме, растеме“.
Оваа донација е искористена за збогатување и унапредување на спортско-рекреативните содржини на децата од предучилишна возраст, како и за зголемување на соодветни капацитети на спортски реквизити наменети за најмладите, соопштуваат од Општина Крива Паланка.